Италия чемпионати 17-туридан ўрин олган энг сўнгги учрашув ҳам бўлиб ўтди. "Палермо" - "Наполи" учрашувида меҳмонлар ишончли ғалабага эришишди.

89-дақиқада Фабрицио Микколи "Палермо"нинг ҳисоб қисқартирувчи голини урган бир вақтда "Наполи" 3:0 ҳисобида олдинда бораётган эди. Горан Пандев биринчи бўлимда ҳисобни очган бўлса, иккинчи бўлимда Эдинсон Кавани ва Марек Ҳамшиклар биттадан гол ўз ҳисобларига ёзиб қўйишди.

Ушбу ғалабадан сўнг Вальтер Маццари шогирдлари ўз ҳисобларидаги очколар сонини "Рома" каби 27 тага етказиб олиб, тўплар нисбатидаги ижобий фарқ сабаб "Интер"дан кейинги 6-ўринни банд этиб туришибди. Ҳисобида 21 очко бўлган "Палермо" 11-ўринда бормоқда.

ПАЛЕРМО - НАПОЛИ 1:3 (0:1)
Голлар: Микколи (89) - Пандев (35), Кавани (54), Ҳамшик (60).