«Манчестер Сити» бош мураббийи Пеп Гвардиола яқин ойлар ичида ўз шогирдларини кутаётган тақвимдан норози бўлди.

Мураббий март ойида мамлакат миллий терма жамоаси йиғинига чақириладиган айрим шогирдларининг жисмоний ҳолатидан хавотирда. «Ҳозир олдимизда жуда кўплаб муаммолар йиғилган.

Коронавирус устига энди терма жамоа ўйинлари ҳам ортиқча ташвиш бўлиши турган гап. Вирусни олдини олиш учун футболчилар уйда ўзларини изоляция қилишлари керак. Акс ҳолда вазият издан чиқиб кетади. Улар йиғиндан қайтиб келишгач, касаллик штамми анчайин ўсиши мумкин. Албатта, бундай бўлмаслигини хоҳлайман. Аммо, таваккал қилмаслигим керак», - дейди Пеп.