ЕЧЛнинг 1/8 финал дастлабки учрашувларидан ўрин олган биринчи ўйин Португалиядаги “Драгау“ ўйингоҳида, “Порту“ ҳамда “Ювентус“ жамоалари ўртасида бўлиб ўтди.

Биринчи бўлим бошиданоқ туринлик футболчиларнинг ҳимояда йўл қўйган қўпол хатосидан унумли фойдаланиб, тезкор гол уришга муваффақ бўлган мезбонлар, бўлим мобайнида рақибларига тенгма-тенг кураш таклиф этди.

Кейинчалик эса, иккинчи таймнинг дастлабки дақиқаларда, яна майдон эгалари позицион ҳужум ташкил этиб дарвозабон Шеснини иккинчи маротаба ранжитишди. Тайм охирларига келиб эса меҳмонлар аъзоси Федерико Кьеза фарқни битта голга қисқартиришга муваффақ бўлди.

Шу тариқа, ушбу, 2:1 ҳисоби ўйин сўнггига қадар сақланиб қолди. Бу ёғига “Ювентус“нинг кейинги босқич учун бор умиди Туриндаги ўйиндан.

"Порту" Португалия – "Ювентус" Италия 2:1 (1:0, 1:1) «Драгау»

Голлар: 1:0 – 2 Тареми, 2:0 – 46 Марега, 2:1 – 82 Кьеза.

"Порту" – Марчесин, Манафа, Сануси, Мбемба, Пепе, Отавио (Диас, 57), Урибе, Корона (Лум, 90), Сержиу Оливейра (Франсишку Консейсау, 90), Марега (Груйич, 66), Тареми.

"Ювентус" – Шченсны, Данило, де Лигт, Алекс Сандро, Кьеллини (Демирал, 35), Рабьо, Бентанкур, Кулусевски (Рэмзи, 77), Маккенни (Мората, 63), Кьеза, Роналду.

Огоҳлантиришлар:
де Лигт (63), Данило (81), Демирал (87), Алекс Сандро (90).