"СКА-Хабаровск" клуби бош мураббийи Сергей Юран "Спартак" ярим ҳимоячиси Остон Ўруновнинг ёши кичрайтирилгани ҳақида айтган фикрлари учун Россия футбол иттифоқи этика қўмитаси томонидан 250 минг рубль миқдорида жаримага тортилган эди.

Россиялик мутахассис ушбу қарор устидан апелляция берди. Ушбу мурожаат 17 февраль куни кўриб чиқилди ҳамда жарима миқдори 150 минг рублга камайтирилди.

"Нима учун жаримага тортилганимни ҳамон тушунмаяпман, — деди Юран. — Назаримда, менинг сўзларим ҳеч нарсага таъсир кўрсатмади. Энг муҳими, бунга футболчи ҳам, "Спартак" ҳам эътибор қаратмади. Ўзбекистон футбол ассоциациясидан келган қандайдир хатни юристимиз иккимиз кўрмадик. Агар шундай қарор қабул қилишган бўлса, мен нима ҳам қила олардим.

Спорт арбитраж судга мурожаат қиламанми ёки йўқми, ҳозирча билмайман. Чунки апелляция бўйича қарор бугун чиқарилди. Жарима тўлиқ бекор қилинишига умид қилгандим. Тартиб-интизом қўмитасининг қарорида аниқ гапни кўрмадик, у ерда фақат умумий гаплар ёзилган. Ҳуқуқшунос билан маслаҳатлашаман. CAS'га мурожаат қилишим мумкин, чунки 150 минг рубль — бу катта сумма!", — деди Юран.