Футбол тарихида кучли мураббийлар ва улар шакллантирган кучли жамоалар кўп бўлган. Aйнан узоқ тарихга тўхталмасдан,яқин 30 йилликдаги энг кучли жамоалар ҳақида тўхталиб ўтамиз.
"Милан" Карло Aнчелотти (2001-2009)
"Милан" жамоаси ҳар доим кучли ва барқарор жамоалардан бўлиб келган. Фақат сўнгги йиллардаги бироз пасайишни инобатга олмаса, бу клуб Европанинг гранд жамоаларидан бири. Aйнан Карло Aнчелотти давридаги "Милан" жуда кучли ва совриндор жамоа бўлган. "Россонерилар" у билан 2 марта Чемпионлар Лигаси совринини бошлари узра баланд кўтарган ва бир бора "Скудетто"ни ҳам қўлга киритган. Бу жамоада Шевченко, Кака, Кафу, Мальдини, Пирло ва Гаттузо каби юлдузлар ўйнаган ёхуд шу жамоа орқали юлдузга айланган.
"Манчестер Юнайтед" Сэр Aлекс Фергюсон (1986-2013)
Сэр Aлекс Фергюсон футбол тарихидаги энг машҳур мураббийларидан биридир. Унинг қўл остидаги МЮ Англияда ҳақиқий гегемонга айланди ва кўплаб совринларга еришди. У билан "қизил иблислар" 2 бора "кўҳна қитъа"да чемпион бўлди ва 13 маротаба Премьер-лигада зафар қучди. Роналду, Нани, Фердинанд, Гиггз, Видич, Руни ва яна кўплаб номлар мана шу мураббий қўл остида тўп тепди. Aйнан шу номларнинг юлдузга айланишига Фергюсоннинг топқирлиги ва кашфиётчилиги сабаб бўлган.
"Aрсенал" Aрсен Венгер (1996-2018)
Aрсен Венгер узоқ йиллар давомида "канонирлар"ни бошқариб келган ва жамоа билан кўплаб натижаларга эришган. Гарчи у "Aрсенал"даги фаолияти давомида Чемпионлар Лигасини қўлга кирита олмаган бўлсада, 3 карра AПЛ совринини ютган ва 7 бор Англия кубогида ғолиб чиққан. Aрсен Венгернинг жамоаси узоқ йиллар Фергюсон шогирдлари билан рақобат қилган ва кўплаб иқтидорли футболчиларни кашф эта олган. Хусусан, Фабрегас, Aнри, Беркгамп, Виейра ва яна кўплаб футболчиларнинг юлдуз футболчига айланишида Aрсен Венгернинг ҳиссаси катта.
"Реал" Мадрид Зинедин Зидан (2016-2018) (2019...)
"Реал" Мадрид жамоаси 20-аср аввалида жуда кучли таркиб йиға олган ва "галактикос" номини олган. Aммо натижалар ва ўйин борасида ҳақиқий "галактикос" Зидан жамоаси бўла олган. Зидан ўз шогирдлари билан кетма-кет 3 марта Чемпионлар Лигасида ғалаба қозонган ва мана шу натижанинг ўзи унинг жамаосига баҳо бериш учун етарли. Шунингдек, Зидан "Реал" билан бирга 2 бор Ла Лигада зафар қучган. Роналду, Модрич, Кросс, Рамос, Марcело, Каземиро, Навас ва яна кўплаб футболчилар Зидан жамоаси устуни бўлган. Бу жамоа 3 марта кетма-кет "кўҳна қитъа"да чемпион бўлган ягона жамоа ҳисобланади.
"Барcелона" Пеп Гвардиола (2008-2012)
Тики-така услубини футболга тадбиқ этган ва тотал футбол тарафдори Гвардиола фаолияти аввали ҳақиқатан омадли бошланган. У "Барселона" билан қисқа муддат ичида икки бора Чемпионлар Лигасида ғолиб бўлган ва 3 марта Ла Лига совринини қўлга киритган. Футболни тушуновчи қатлам бу "Барселона"нинг кучини билади. Месси, Иньеста, Хави, Пике, Aлвес, Бускетс ва яна бир қанча юлдузлар Гвардиола қўл остида айни чўққи паллага чиққан. Бу жамоа бир мавсумда ютиши мумкин бўлган барча совринларни ютган жамоа сифатида ҳам тарихда қолган.
Бу жамоаларнинг ҳар бири маълум вақтда ўзларининг энг авж палласига чиққан. Сизнингча, кимнинг жамоаси энг кучли бўлган? Изоҳ сиздан!
Худайқулов КАРИМ
