"Шўртан" 14 январь куни БААга жўнаб кетади. Бу ҳақда клуб расмий сайти хабар бермоқда.
Дубайдаги йиғин давомида "Шўртан" 4 та ўртоқлик учрашувида майдонга тушади. Бу ҳақда жамоа бош мураббийи Игорь Криушенко маълум қилган.
Дубайдаги дастлабки учрашув 17 январь куни Украинанинг "Металлист" жамоасига қарши ўтказилади. Баҳс ҳар иккала клубнинг ўзаро келишувига асосан Абу-Дабидаги "Шайх Зайд" стадионида бўлиб ўтади.
"Металлист" Украина чемпионати биринчи давра якунларига кўра 3-ўрин эгаллаб турибди ва мусобақа пешқадамидан 5 очкога ортда қолмоқда. Харьковликлар 2012 йилдаги илк расмий учрашувни 16 февраль куни Европа Лигаси плей-оффи доирасида Австриянинг "Зальцбург" жамоасига қарши ўтказади.
