Ўзбекистонлик футбол мухлисларига яхши таниш бўлган мураббий Виктор Кумиков Қозоғистоннинг "Актобе" клуби аъзосига айланган Игорь Сергеев ҳақида ўз фикрини билдириб ўтди.

"Жуда яхши ҳужумчи. Анча самарадор ва барқарор ўйин кўрсатади. У шунчаки бир йил ўзини кўрсатиб, кейин йўқолиб қолмайди. Унда марказий ҳужумчиларга хос сифатлар бор. Шахсан менга Сергеев жуда ёқади. Агар менга шундай ҳужумчини тавсия қилишганида, бажонудир қабул қилган бўлардим.

Назаримда, у "Актобе"нинг ўйин услубига мос келади. Сергеев аввал ҳам шундай услубдаги клубларда тўп тепган. У бир мавсумда 10-15та гол уришга қодир", - деди Виктор Балютович.

Эслатиб ўтамиз, Сергеев — "Пахтакор"нинг Ўзбекистон чемпионатларидаги энг яхши тўпурари ҳисобланади. Ўтган мавсумда у "шерлар" сафида 24та ўйинда майдонга тушиб, 16та гол муаллифига айланди.