Футбол бўйича БАА Лига Кубогининг ярим финалидан ўрин олган «Шабоб Ал-Аҳли» ва «Ал-Васл» ўртасидаги жавоб баҳси 2 март, сешанба куни бўлиб ўтди.

Дастлаб Жалолиддин Машарипов 11-дақиқада Федерико Картабианинг голига ассистентлик қилди. Учрашувнинг 52-дақиқасида Картабиа ўзининг ҳисобига дубль расмийлаштириб, жамоасининг иккинчи голини киритди. Бундан 11 дақиқа ўтиб Машарипов Игор Хесуснинг голига ҳам ҳаммуаллиф бўлди. «Ал-Васл»нинг ягона голи 71-дақиқада Фабио Лима томонидан пенальтидан киритилди.

Ўзбекистонлик футболчи тўлиқ ҳаракат қилган учрашувда «Шабоб ал-Аҳли» турнир финалига йўлланмани қўлга киритди. Жамоаларнинг биринчи баҳсида Жалолиддиннинг жамоаси сафарда 2:0 ҳисобида ғалаба қозонган эди. «Шабоб ал-Аҳли»нинг финалдаги рақиби Дубайнинг «Ан-Наср» жамоаси бўлади.

БАА Лига кубоги
Ярим финал, жавоб учрашуви
2 март, сешанба
«Шабоб ал-Аҳли»—«Ал-Васл» 3:1
Голлар: 1:0 — 11 Картабия, 2:0 — 52 Картабия, 3:0 — 63 Игор Хесус, 3:1 — 71, пенальти Фабио Лима.
«Шабоб ал-Аҳли»: Мажид Носир, Абдулазиз Ҳусайин (Абдулла Жамил, 66), Муҳаммад Марзуқ, Валид Аббос, Ҳамдам Ал-Камоли, Абдулла Ал-Нақби, Мажид Ҳассан (Ҳамид, 80),  Жалолиддин Машарипов, Эдуардо (Муҳаммад Жума, 60), Федерико Картабиа (Яҳё Ал-Ғассони, 60), Игор Хесус (Аҳмад Ал-Аттас, 67).
«Ал-Васл»: Ал-Ментери, Абдулраҳмон Али (Салоҳ Ҳамис, 42), Фелипе, Нерис, Али-Алмҳеири, Ҳассан Иброҳим (Николас Ороз, 59), Али Салмин, Али Салоҳ (Маҳмуд Нур, 59), Мендес (Ҳабаш Салоҳ, 59), Лима, Фигуэредо (Диниз Роза, 77).
Огоҳлантиришлар: Али-Алмҳеири (14), Али Салмин (16), Карлос Эдуардо (29).
Четлатиш: Али Салмин (84).