"Ньюкасл" ҳужумчиси Демба Банинг агенти Арманд Доорнинг таъкидлашича, унинг мижозига бир қатор клублар қизиқиш билдирмоқда, аммо аниқ таклифлар ҳали бўлгани йўқ. Бу ҳақда "IBTimes UK" нашри хабар бермоқда.
"Демба Банинг хизматларига қизиқиш билдираётган клублар бор. Бунинг ҳайрон қоларли жойи йўқ — у ўз клубида яхши ўйин намойиш этмоқда, жароҳати ҳам йўқ. Аммо аниқ таклифларни биз ҳали ҳеч кимдан олганимиз йўқ", деди агент.
"Манчестер Юнайтед"нинг Бага қизиқиш билдираётгани ҳақиқат. Аммо ҳозир буларнинг барчаси оддий ўзаро гап-сўзлар даражасида турибди. Ҳамма унинг учун тўланиши керак бўлган товон пули билан қизиқмоқда, ундан уёғига ҳеч ким ўтаётгани йўқ", деди Доорн.
"ПСЖ" ҳам футболчига қизиқиш билдирди, айнан парижликларнинг таклифи нисбатан бўладиганроқ. Аммо бунга сабаб, клуб раҳбариятидагилар Демба Банинг кичиклигидан билишади", дея қўшимча қилди "Ньюкасл" ҳужумчиси Демба Банинг агенти Арманд Доорн.
Демба Ба Англия Премьер-лигасининг бу йилги баҳсларида 19 учрашувда майдонга тушиб, 15 та гол уришга муваффақ бўлган.