"Милан" Алешандре Патони сотиб олиш бўйича Франциянинг "ПСЖ" клубидан тушган 22 миллион евролик таклифни рад этди. Бу ҳақда RMK хабар бермоқда.
Қизил-қоралар бразилиялик футболчи учун камида 30 миллион евро талаб қилишмоқда.
Италия чемпионатининг бу йилги мавсумида 22 ёшли Пато тўққиз учрашувда майдонга тушиб, битта гол уришга муваффақ бўлди. Интервьюларнинг бирида бразилиялик футболчи "Милан" бош мураббийи Массимилиано Аллегри билан муносабатларидан қониқиш ҳосил қилмаётганини айтганидан сўнг, унинг жамони тарк этиши ҳақидаги миш-мишлар кўпайиб кетганди.













