«Ювентус» ҳужумчиси Криштиану Роналду А Серия доирасида «Кальяри»га қарши кечган 14 март кунги ўйинда (3:1) майдонга тушди ва ҳет-трик қайд этди.

36 ёшли футболчи олий дивизионлар доирасида 600-ўйинини ўтказди. Бу ўйинларда футболчи 473 та гол уришга эришди.

Роналдунинг чемпионатлардаги статистикаси:

«Реал» — 292 та ўйин, 311 та гол;
«Манчестер Юнайтед» — 196 ўйин, 84 гол;
«Ювентус» — 87 ўйин, 75 гол;
«Спортинг» — 25 ўйин, 3 гол.

Шунингдек, португалиялик футболчи фаолиятидаги 57-ҳет-трикни қайд этди. У «Манчестер Юнайтед»да бир марта, «Реал»да 44 бор, «Ювентус»да уч марта ва Португалия терма жамоасида 9 марта ҳет-трик муаллифига айланди.

Қайд этиш жоиз, Роналду «Кальяри»га қарши ўйинда чап ва ўнг оёқ ҳамда бош билан гол урган ҳолда идеал ҳет-трикни расмийлаштирди.