Мадриднинг "Реал" клуби бош мураббийи Жозе Моуриньонинг таъкидлашича, "қироллик клуби" учун жорий мавсумда Испания чемпионати ҳатто Европа Чемпионлар лигаси бош совринини қўлга киритишдан ҳам муҳимроқ экан.
"Биз учун Испания чемпионати устувор вазифа саналади ва галдаги ўйинимиздаги рақибимиз – "Мальорка" кучли рақиб ҳисобланади. Бу ўйин биздан максимум куч кўрсатишни тақозо этади. Илгари "Реал" Мальоркада очко йўқотарди, бу эҳтимоллик бу йил ҳам сақланиб турибди.
Ҳозирча "Барселона" ҳақида гапириш маънига эга эмас. Албатта, бу матбуот учун айни муддао бўларди, тиражлар ўсарди, камроқ ишласа ҳам бўлаверарди. Бироқ мен "Барселона" ҳақида ўйламаяпман, чунки ҳозир у мен учун қизиқ эмас", - дея Моуринью сўзларидан иқтибос келтиради Goal.com.
Эслатиб ўтамиз, "Реал" сўнгги марта 2008 йилда Испания чемпиони бўлган.
