ЖЧ-2022 саралаш босқичидан ўрин олган Сербия ва Португалия терма жамоалари ўртасидаги баҳснинг сўнгги дақиқаларида баҳсли вазият юзага келди.
Ўйин қўшиб берилган дақиқаларда, ҳисоб 2:2 пайтида Криштиану Роналду олис масофадан етказилган узатмани дарвоза томон бурди. Ҳимоячи тўпни чизиқ ичида қайтарди, аммо ҳакам голни инобатга олмади.
Боз устига, ён чизиққа эътироз билдирган "Юве" форварди огоҳлантириш олди. Роналду эса бундан ғазабланиб сардорлик боғичини ечиб, ерга улоқтирди ва майдонни тарк этди.
Дастлабки 2та турдан сўнг Сербия ва Португалия терма жамоалари 4 очко тўплаган ҳолда пешқадамлик қилмоқда.
