JCH-2022 saralash bosqichidan o‘rin olgan Serbiya va Portugaliya terma jamoalari o‘rtasidagi bahsning so‘nggi daqiqalarida bahsli vaziyat yuzaga keldi.
O‘yin qo‘shib berilgan daqiqalarda, hisob 2:2 paytida Krishtianu Ronaldu olis masofadan yetkazilgan uzatmani darvoza tomon burdi. Himoyachi to‘pni chiziq ichida qaytardi, ammo hakam golni inobatga olmadi.
Boz ustiga, yon chiziqqa e’tiroz bildirgan "Yuve" forvardi ogohlantirish oldi. Ronaldu esa bundan g‘azablanib sardorlik bog‘ichini yechib, yerga uloqtirdi va maydonni tark etdi.
Dastlabki 2ta turdan so‘ng Serbiya va Portugaliya terma jamoalari 4 ochko to‘plagan holda peshqadamlik qilmoqda.
