Осиё Чемпионлар Лигаси «Б» гуруҳи 2-туридан ўрин олган «Эйр-Форс» - «Пахтакор» учрашувидан (0:0) кейин Тошкент клуби устози Питер Хюистра матбуот анжуманида ўз фикрлари билан бўлишди.
Хюистра: - Хайрли кеч. Менимча, ўйинда ғалабага ҳақли эдик. Биринчи бўлимда имкониятлар юзага келтирдик. Иккинчи бўлимни яхши бошламадик, лекин алмаштиришлардан кейин яна ташаббусга эришдик. Бироқ гол ура олмадик. Биринчи беллашувга нисбатан бугун фаолроқ ўйнадик.
Охирги мўлжални нишонга олишда адашдик. Ўйин бошиданоқ вазиятлар юзага келтирдик. Рақибда эса дарвозага хавфли зарба деярли бўлмади. Биз ҳужумкор футбол кўрсатишга интиламиз. Ҳужум уюштириш ва ўйин назоратида яхшироқ бўлдик. Энди кейинги баҳсда ғалаба қозонишга ҳаракат қиламиз.
