“Барселона” бош мураббийи Хосеп Гвардиола Испания кубоги доирасидаги 1/4 финалда Мадриднинг Реал клуби билан бўлиб ўтган учрашув ҳақида ўз фикр-мулоҳазаларини билдириб ўтди.

“Бугун биз устунлик қилдик. Хавфли вазиятларни кўпроқ содир этдик ва “Реал”ни яна мағлуб этганимиздан фахрланишимиз керак. Ҳаттоки Роналдунинг тезкор голидан кейин ҳам ғалабага эришганимиздан хурсандман.

Аммо шуни ҳам айтишим керакки, ҳали вазифанинг ярми бажарилди, холос. Унутманг, рақибимиз дунёнинг энг кучли клубларидан бири. “Реал” ўтказган учрашувларининг ярмида тўрттадан зиёд гол киритган. Агар жипсликни йўқотсак, бундай хавф бизга ҳам тегишли бўлиши мумкин. Улар ҳужумда жуда яхши ўйнашади. Айниқса, Роналду.

Ҳа, “Реал”нинг барча аъзолари юқори даражада ўйин кўрсатадилар. Айтайлик, Алтинтўп - у бугун жуда яхши ҳаракат қилди. Бизнинг жамоамиз футболчилари ҳам аъло даражада тўп тепишди. Алексис Санчес яна фантастик футбол намойиш этди.

Пинто - ажойиб, тажрибали дарвозабон. Унга тўлиқ ишонишимни ва ортиқча ташвишланмаслигимни олдин ҳам айтганман. Хосе жуда ишончли ўйнади ва ғалабамизда унинг катта ҳиссаси борлигини таъкидлаган бўлардим.

Бугун биз бурчак тўпидан унумли фойдаландик. Одатда, кучли рақибларга қарши кечадиган баҳсларда бундай имконият ҳамиша бўлавермайди. Хуллас, бундай ўйинларда кичик имкониятлардан фойдаланиш асқотади. Мана, қаторасига бир неча ўйинлардан бери “Реал”ни мағлубиятга учратаяпмиз. Аммо ҳар қандай омадли юришнинг ҳам интиҳоси бор. Кутилмаганда ҳаммаси тескарисига кетиши мумкин.

Пепенинг қилиқлари? Ҳа, менга ўйинчилар бу ҳақда айтишди. Лекин вазиятни қайта кўрмасдан бир нарса дейишим мушкул”, - деди Гвардиола Asга берган интервьюсида.