ЎзПФЛ директори вазифасини бажарувчи Диёр Имомхўжаев АГМКнинг тарихий ғалабасига фикр билдирди.

"Ва ниҳоят клубимиз Чемпионлар лигасида зафар қучди. АГМК ҳар учала ўйинда сўнгги сонияларга қадар курашди ва охири мақсадга эришди.

Жалолиддин Машарипов, Азиз Ғаниев, Одил Ҳамробеков каби йигитларимиз тўп сураётган Шабаб Ал-Аҳли клубини бизга жуда яхши таниш бўлган мутахассис Маҳдий Али бошқариб боради.

Ёдингизда бўлса, 2012 йилда у бошчилик қилган Амирлик олимпиячилари Жар стадионида мўжиза кўрсатиб, Вадим Абрамов бошқарувидаги олимпиячиларимизга қарши ўйинда 0:2 ҳисобини 3:2 га айлантиришган ва якунда Лондонга чипта ютиб олишганди.

Орадан 9 йил ўтиб Ўзбекистон клуби шунга ўхшаш камбэк билан жавоб бермоқда"-, деб ёзди мутахассис ўзининг шахсий телеграм саҳифасида.