Москванинг "ЦСКА" клуби ярим ҳимоячиси - япониялик Кейсуке Хонда қишки трансфер давомида Римнинг "Лацио" клуби сафига ўтиши мумкин. "La Repubblica" нашри хабарига кўра, бунинг орқасидан "армиячилар" 14 миллион еврони қўлга киритиш илинжидалар.
Нашрда келтирилишича, кеча оқшом "Лацио" клуби спорт директори Игли Таре музокара олиб бориш учун Россия пойтахтига етиб келган. Эслатиб ўтамиз, бундан аввал Хонданинг хизмати билан Франциянинг "ПСЖ" клуби ҳам қизиқаётганди. Париж жамоаси Кейсуке учун 13 миллион евро беришга тайёр.
Жорий мавсумда Хонда Россия Премьер-лигасининг 19та ўйинида майдонга тушган.