"Атлетико" бош мураббийи Диего Симеоне Бильбаонинг "Атлетик" (1:2) жамоасидан учралган мағлубиятдан сўнг журналистлар билан гаплашди.
"Испания чемпионатидаги энг асосийси - бу психологик фактор, ушбу компонентда кучли бўлган жамоа чемпион бўлади", - дейди Симеоне.
"Тўғри, биз бу мағлубият билан имкониятларимизни бироз пасайтириб юбордик, аммо "Атлетико" охиригача курашадиган жамоа."
"Атлетико" Ла Лигада 33 турда 73 очко жамғарган ҳолда жадвалда биринчи ўринда бормоқда. Мадрид клубидан 2 очко ортда бораётган "Барса"нинг захира ўйини бор.
Энг қизиғи, 8 майда "Барселона" ўз уйида "Атлетико"ни қабул қилади.
