UFC собиқ чемпиони Ҳабиб Нурмагомедов футбол бўйича жаҳон чемпионатининг плей-офф босқичидан нималар кутаётгани билан ўртоқлашди.

«Япония, Колумбия, Сенегал, Марокаш — бу жамоалар жуда қаттиқ ҳайрон қолдиришлари мумкин. Мен мухлислик қиладиган икки жамоа — Нидерландия ва Марокашнинг ўзаро тўқнаш келиб қолгани ачинарли бўлди.

Шунингдек, Аргентина — Колумбия учрашувини жуда интизорлик билан кутяпман. Албатта, агар улар ўз рақибларидан ўта олишса. Саралашда колумбияликлар ўз уйларида уларни мағлуб этишган, сафарда эса дуранг ўйнашганди. Шуничаки, ҳаёлимга келган фикрлар.

Бразилия — Япония ва Кот-д’Ивуар — Норвегия — мен учун энг тенг кучли ва қизиқарли тўртлик. Ҳар қандай терма жамоа кейинги босқичга чиқиши мумкин», — деб ёзди Ҳабиб ижтимоий тармоқлардаги саҳифасида.

Эслатиб ўтамиз, жаҳон чемпионатининг 1/16 финал босқичи бугун ЖАР — Канада учрашуви билан старт олади.