ПСЖ ҳимоячиси Маркиньос «Манчестер Сити»дан учралган мағлубият ҳақида фикр билдирди.
«Камчиликлар қаерда пайдо бўлганлигини тушуниш учун ўйинни бошидан таҳлил қилишимиз керак. ПСЖ аввалги учрашувларда ҳам муаммоларга дуч келган, аммо биз ҳар доим тўғри ечим топа олганмиз. Бу каби баҳсларда майда деталлар кўп нарсани ҳал қилиб қўяди.
Иккинчи бўлимда биз рақиб дарвозасидан анча узоқда ўйнадик. "Сити" кўпроқ тажовузкорроқ ҳаракат қилди. Жавоб ўйинида барқарор ўйнашимиз керак. Олдимизда ҳали 90 дақиқа вақт бор.
Энди биз психологик жиҳатдан кучли жангчи бўлишимиз керак. Шундагина финалга чиқа олишимиз мумкин. Айни дам ҳеч нимадан шубҳаланмаслигимиз лозим», - дея бразилияликнинг сўзларини келтиради УЕФА матбуот хизмати.