PSJ himoyachisi Markinyos «Manchester Siti»dan uchralgan mag‘lubiyat haqida fikr bildirdi.
«Kamchiliklar qayerda paydo bo‘lganligini tushunish uchun o‘yinni boshidan tahlil qilishimiz kerak. PSJ avvalgi uchrashuvlarda ham muammolarga duch kelgan, ammo biz har doim to‘g‘ri yechim topa olganmiz. Bu kabi bahslarda mayda detallar ko‘p narsani hal qilib qo‘yadi.
Ikkinchi bo‘limda biz raqib darvozasidan ancha uzoqda o‘ynadik. "Siti" ko‘proq tajovuzkorroq harakat qildi. Javob o‘yinida barqaror o‘ynashimiz kerak. Oldimizda hali 90 daqiqa vaqt bor.
Endi biz psixologik jihatdan kuchli jangchi bo‘lishimiz kerak. Shundagina finalga chiqa olishimiz mumkin. Ayni dam hech nimadan shubhalanmasligimiz lozim», - deya braziliyalikning so‘zlarini keltiradi UYEFA matbuot xizmati.
