Portugaliya terma jamoasi bosh murabbiyi Roberto Martines 2026 yilgi jahon chempionati 1/16 finalida Xorvatiyaga qarshi bahs (2:1) davomida Krishtianu Ronalduni almashtirish qaroriga izoh berdi.

Ronaldu 81-daqiqada maydonni tark etdi va uning o‘rniga Ruben Nevesh tushirildi.

«Ixtiyorimizdagi turli xususiyatlarga ega futbolchilardan to‘g‘ri foydalanish juda muhim. O‘yin davomida hujumchilarimiz raqib maydonining so‘nggi uchdan bir qismiga yetib borishda qiynalgan palla bo‘ldi. Krishtianu jarima maydonida turgan paytda Gonsalu Ramushning maydonga tushishi raqib markaziy himoyachilari harakatlariga jiddiy ta’sir ko‘rsatishi mumkin edi.

Gol urilganidan keyin vaziyat o‘zgardi. Xorvatiya ko‘proq tavakkal qilishiga to‘g‘ri keldi, Modrich va Kovachichning markazdagi hamkorligi kuchaydi. Shu paytda bizga yana bir yarim himoyachi va Xorvatiyaning eng kuchli nuqtasini nazorat qilish kerak edi.

Xorvatiyada tayanch yarim himoyachi yo‘qligidan foydalanib, bir muddat ikki hujumchi bilan harakat qildik. Keyin esa raqib hujumga o‘tishga majbur bo‘lganida, boshqa himoyaviy sxemaga o‘tish vaqti keldi», — dedi Martines.

Eslatib o‘tamiz, Portugaliya Xorvatiyani 2:1 hisobida mag‘lub etib, 1/8 finalga chiqdi. Keyingi bosqichda portugaliyaliklar Ispaniya terma jamoasiga qarshi maydonga tushadi.