Хабарингиз бор, бутун мамлакатимиз бўйлаб фаолият олиб бораётган футболчилар ҳақидаги умумий маълумотларнинг ягона электрон базаси ташкил этилган эди.

Махсус дастурдан иборат ушбу электрон база ёрдамида футболчилар фаолияти кузатиб борилади ва мониторинг қилинади. Унда Республиканинг барча ёшдаги профессионал ва ёш футболчилари ҳақида маълумотлар тўпланади ва рўйхатдан ўтади.

Айни кунларда Ўзбекистон футбол ассоциацияси мутахассислари томонидан Қашқадарё вилоятидаги БЎСМ, ИБЎСМ, ОМСТБДИМИ, БЎФМ, Олимпия захиралари коллежи, вилоят футбол маҳорат мактабларида шуғулланадиган ёш футболчиларни Ягона базага киритиш мақсадида рўйхатдан ўтказилмоқда.