Дубайдаги мухбиримизнинг хабар беришича, терма жамоамизнинг таянч ярим ҳимоячиларидан бири Темур Кападзе БАА Про-лигаси иштирокчиси «Аш-Шаржа» клубига ўтган.
Кўпчилик бу ерда ҳам таниқли агентимиз Санъат Шариповнинг роли катта бўлганини тахмин қилиши мумкин. Бироқ, мухбиримизнинг ишончли манбаларга таяниб билдиришича, Темурнинг Шаржа шаҳри клубига ўтишида «Аш-Шабоб» клуби аъзоси Азиз Ҳайдаровнинг роли жуда катта бўлганини таъкидланмоқда.
«Аш-Шаржа» айни вақтда 11 учрашувдан сўнг 8 очко жамғарган ҳолда БАА Про-лигасининг 11-поғонасидан ўрин олган. Темур Кападзега ва унинг янги клубига зафарлар ёр бўлишини тилаб қоламиз.