«Боруссия» форварди Эрлинг Ҳоланднинг ёзда Дортмундни тарк этиши эҳтимоли ошмоқда.
Бу ҳақда футболчининг агенти Мино Райола маълум қилди. Унинг фикрича, молиявий жиҳатдан фойдали бўлган ҳар қандай таклиф «Боруссия» раҳбариятини бунга ишонтириши мумкин.
"Айни дам биз «Боруссия»нинг Холандни сотишни истамаётганини биламиз. Чунки жорий вазият шундай. Бироқ барчамиз кузгача кутишга мажбурмиз. Мен бошқача фикрдаман.
Ўйлайманки, агар яхши имконият пайдо бўлса ва бу ўз навбатида ҳаммани қониқтирса, ушбу трансфер албатта амалга ошади", - дейди Райола.
