"Ливерпул" бош мураббийи Юрген Клопп келаси мавсумда "Манчестер Сити" билан чемпионлик учун кураш қийин бўлишини таъкидлади.
"Бу ҳар доим қийинроқ, чунки "Манчестер Сити" ҳеч қачон тўхтамайди. Аммо биз улар билан кетма-кет икки мавсум бошма-бош бўлиб, бир марта улардан олдинда борган бўлсак ҳам, кейинги 10 йил ичида бундай бўлишини ҳеч қачон кутмаган эдик. "Манчестер Юнайтед" бу даражага яқинлашмоқда, буни ҳамма кўриши мумкин, "Челси" юқори таркиб билан жуда яхши ҳолатда. Томас Тухелга мерос бўлиб ўтган жамоани совға деб айтганман. Шундай қилиб, келаси мавсум ҳам чемпионлик учун курашиш осон бўлмайди", - дейди мураббий.
