«Манчестер Сити» ҳимоячиси Жон Стоунз ПСЖга қарши ўйин олдидан ўз фикрлари билан ўртоқлашди.

«Неймар ва Мбаппега қарши ўйнаш ҳеч қачон осон бўлмайди. Катта ўйинларда жаҳон даражасидаги икки футболчига қарши туриш, ҳимоячилар учун катта муаммо. Аммо бу ўзимизни синаб кўриш, уларни зарарсизлантириш учун нима қилишимиз мумкинлигини кўриш учун ажойиб имконият.

Биз Париждаги биринчи учрашувнинг иккинчи ярмида ушбу вазифани аъло даражада бажардик. Аммо, таркибда иккита футболчига эмас, балки бутун жамоага муносиб эътибор қаратишимиз керак.

Биз ўзимизга ишонамиз. Бошқача бўлиши мумкин эмас. Бу финалга чиқиш учун имконият, биз учун яъни, футболчилар, мухлислар ва клуб учун катта воқеа бўлади. Кутилажак ўйинни аввалги учрашувдаги иккинчи бўлимни тугатгандек бошлашимиз керак.

Биз меҳмонда иккита гол уришга муваффақ бўлдик. Жавоб ўйинига эса янада ишонч билан ёндошамиз», - дея Стоунзнинг сўзларини келтиради УЕФА расмий сайти.

Эслатиб ўтамиз, «Манчестер Сити» ва ПСЖ ўртасидаги ЕЧЛ ярим финали жавоб учрашуви эртага, 4 май куни бўлиб ўтади. Биринчи ўйин 2:1 ҳисобида Англия жамоасининг ғалабаси билан якунлан.