Айни кунларда Осиё футболида бўлиб ўтаётган нуфузли тадбирларнинг ташкилотчиларидан ҳисобланмиш "Football Marketing Asia" компанияси мамлакатимизда меҳмон бўлиб турибди. Бугун ушбу компания раҳбарлари Ўзбекистон футбол ассоцияциясида меҳмон бўлиб, ЎФА раҳбарияти билан учрашди.
Учрашув мобайнида Осиё футбол конфедерацияси ҳамкори ҳисобланган ташкилот раҳбарлари Ўзбекистонда бўлиб ўтиши режалаштирилаётган мусобақалар хусусида ЎФА вакиллари билан фикр алмашди.
2021-2028 йиллар мобайнида ОФК миқёсидаги турнирларининг медиа ва маркетинг ҳуқуқларига эгалик қиладиган ташкилот раҳбарлари Тошкентда жойлашган 4 та стадионга ташриф буюрди. Қитъа миқёсидаги мусобақаларни қабул қилиш учун мавжуд бўлган шарт-шароитлар билан танишди ва тавсиялари билан ўртоқлашди.













