"Манчестер Юнайтед" ярим ҳимоячиси Пол Погба "Барселона"нинг аргентиналик ҳужумчиси Лионель Месси ва "Ювентус"нинг португалиялик ҳужумчиси Криштиану Роналду ҳақида фикрлари билан ўртоқлашди.
"Ким яхшироқ, Месси ёки Роналду? Бу жуда яхши ва чалғитувчи савол. Мен энг яхшисини танлай олмайман. Булар мутлақо бир-биридан фарқли иккита ўйинчи, уларнинг ўйинларини томоша қилиш ёқимли. Бу борада ҳар кимнинг ўз фикри бор, Аммо иккаласи ҳам афсонадир. Бу икки инсон бизга футбол завқини бахш этади", - дейди Погба.
Жорий мавсум 33 ёшли Месси барча турнирларда 44 учрашув ўтказиб, 36 гол урди ва 14 голга узатма берди. 36 ёшли Роналду эса 34 та гол уриб, тўртта голли узатмани амалга оширди.
