Ўзбекистон олимпия терма жамоаси бугун "Зенит"га қарши Match World Cup мусобақасининг финалида  тўп суради. Тўғри, ушбу ўйин натижаси ҳеч бир жамоа учун катта аҳамиятга эга эмас. Аммо ғолиблик мухлислар учун муҳим.

"Зенит" клуби футболчиси Доменико Кришитов "СЭ" нашрига интервью берди.

— Тирноғим кўчиб кетгани учун ҳозирча бутсамни ҳам кия олмаяпман, — дея гап бошлади италиялик футболчи.

— Dubai Cup мусобақаси "Зенит" учун фойдалими?
— Биз таътилдан энди қайтганимизни инобатга олганда, бу мусобақа биринчи навбатда ўйин ритмини ҳис қилишимиз учун керак. Ҳар иккала рақиб устидан ғалаба қозондик. Шунга қарамай таъкидлашим лозим, бизга қарши анча қизиқарли жамоалар тўп суришди ("Бунёдкор" ва Ироқ олимпия терма жамоаси). Лекин, такрорлайман, ҳозирги кунда энг муҳими — ўйин амалиётига эга бўлиш.

— "Зенит" бугун Ўзбекистон олимпия терма жамоасига қарши майдонга тушади. Финалда ҳам спортча манфаат орқа планга ўтадими?
— Ғалаба бирибир ғалаба — у ҳар доим керак. Лекин йиғин давомида жисмоний ҳолатимизни тиклаш — биз учун муҳими.