"Рома"нинг янги бош мураббийи Жозе Моуриньо янги мавсум учун таркибни сезиларли даражада янгилашни режалаштирмоқда, деб хабар беради La Gazzetta dello Sport.

Манбанинг хабар беришича, мураббий жамоанинг дарвозабон позициясига Хуан Муссо ("Удинезе"), Руи Патрисио ("Вулверхэмтон") ва Хосе Са ("Олимпиакос") номзодларини кўриб чиқмоқда.

Ҳимоя марказига эса Эрик Дайер ("Тоттенхэм") ёки Натан Акени ("Манчестер Сити") сотиб олиш мумкин. Ҳимоянинг ўнг қанотига Нелсон Семеду ("Вулверхемптон") ва Рикардо Перейрани ("Лестер") номзодлари ўрин олган.

Пьер-Эмил Хейберг жамоа марказий ярим ҳимоясини кучайтириш учун асосий номзод. Шунингдек, "Манчестер Юнайтед"дан Неманя Матич ва Хуан Мата билан алоқалар мавжуд. Шунингдек "Лилл"дан Ренату Санчешга ҳам қизиқишлар бор.

Ҳужум чизиғига эса "Тоттенхэм"дан Карлос Винисиус сотиб олиниши мумкин. Бундан ташқари Моуриньо римликлар сафида "Реал"дан Иско ва "Астон Вилла"дан Эл-Газини кўришни истамоқда.