Сайтимизда фойдаланувчилар ташрифи орта бошлаши билан кейинги вақтларда хостинг билан боғлиқ муаммолар тез-тез кўзга туша бошлади. Яъни, сайт ишламай, қотиб қолиши, саҳифалар бир неча марта «янгилаш» — F5 тугмаси босилгач очилиши, мана шулар жумласидандир.
Айтиш мумкинки, ушбу муаммо cайтимизнинг 11 нафар администраторига сайт материалларини киритиш ва янгилашда ҳам халақит бериб келаётган эди.
Муаммонинг сабаби аниқланди. Айни вақтда сайтимиз UZINFOCOMнинг умумий хостингида турган эди. Яъни бу хостингда кўплаб сайтлар бир вақтнинг ўзида жойлаштирилган ва хостинг сервери ресурсларидан ҳамма умумий тарзда фойдаланар экан. Шу сабабли сайтимизга кўплаб фойдаланувчилари бир вақтда кирган вақтда ресурс етишмовчили оқибатида сайт ишида узилиш рўй бераётган экан.
Энди февраль ойидан бошлаб, сайтимиз UZINFOCOMнинг виртуал хостинги – VPS серверида жойлаштирилади ва бунда сайтимиз учун хос сервер ажратилади. Сайт ишига бошқа ресурсларнинг халақит беришининг олди олинади.
Ушбу хостингнинг афзаллик тарафи шундан иборатки, аввало сайтда қотиш, осилиш каби муаммолар бутунлай бартараф этилса, сайтимиз учун ажратилган майдон жуда катта бўлиб, сайтда бемалол видео ва фотогалереялар яратиш имконияти пайдо бўлади.
