«Бавария» ҳужумчиси Роберт Левандовски ўзининг Бундеслигадаги ажойиб ютуғи ҳақида фикр билдирди.
Роберт Германия чемпионати бир мавсумида 40 та гол урди ва Герд Мюллернинг «абадий» рекордини такрорлади.
“Бу катта шараф. Ўтмишдаги ютуқларни такрорлаш орқали замонавий Бундеслига тарихини қайта ёзиш жуда яхши. Биз янги тарих яратяпмиз. Бу кўп йиллар давомида сақланиб келган афсонавий рекорд эди. Герд Мюллер эришган ютуқ ақл бовар қилмас эди.
Мен унинг рекордини такрорлай оламан деб ҳеч қачон ўйламаганман», - дея иқтибос келтиради Бавария матбуот хизмати Левандовскининг сўзларидан.
