Лондон клуби Виллиан билан хайрлашишга қарши эмас.

Клуб раҳбарияти агар қизиқарли таклиф тушса, ярим ҳимоячини қўйиб юбориши мумкин. Италиялик журналист Фабрицио Романонинг маълум қилишича, 32 ёшли плеймейкер учун ҳам Европа, ҳам Америка бозорида талабгорлар мавжуд.

Виллиан ўтган ёзда Девид Бекхемнинг таклифи билан «Интер Маями»га ўтиши мумкин эди. Ҳатто, икки йил олдин Виллиан «Реал»нинг ҳам эътиборига тушган.

Виллиан сўнгги етти йил давомида АПЛда - «Челси» ва «Арсенал» сафида тўп тепган. Бразилиялик футболчининг бунгача бўлган фаолияти «Анжи», «Шахтёр» ва «Коринтианс» жамоалари билан боғланади.

Маълумот учун, жорий мавсум футболчи «Арсенал» сафида барча мусобақаларда 36 ўйин ўтказиб, 1 гол ва 7 голли узатма муаллифига айланган.