London klubi Villian bilan xayrlashishga qarshi emas.

Klub rahbariyati agar qiziqarli taklif tushsa, yarim himoyachini qo‘yib yuborishi mumkin. Italiyalik jurnalist Fabrisio Romanoning ma’lum qilishicha, 32 yoshli pleymeyker uchun ham Yevropa, ham Amerika bozorida talabgorlar mavjud.

Villian o‘tgan yozda Devid Bekxemning taklifi bilan «Inter Mayami»ga o‘tishi mumkin edi. Hatto, ikki yil oldin Villian «Real»ning ham e’tiboriga tushgan.

Villian so‘nggi yetti yil davomida APLda - «Chelsi» va «Arsenal» safida to‘p tepgan. Braziliyalik futbolchining bungacha bo‘lgan faoliyati «Anji», «Shaxtyor» va «Korintians» jamoalari bilan bog‘lanadi.

Ma’lumot uchun, joriy mavsum futbolchi «Arsenal» safida barcha musobaqalarda 36 o‘yin o‘tkazib, 1 gol va 7 golli uzatma muallifiga aylangan.