“Реал” мураббийи Жозе Моуриньо кечаги чорак финал учрашувидан сўнг, “Нау Камп” стадиони атрофида учрашув бош ҳаками Фернандо Тейшейранинг чиқишини кутиб турган, деб хабар беради El Mundo Deportivo нашри. Манбада айтилишича, ҳакам автомобиллар сақланиш жойига чиққач, Моуриньо унинг олдига келган ва бундай деган:
- Сиз санъатни жуда яхши тушунар экансиз ва профессионаллар ниқобини кийиб олган тентакларни яхши кўраркансиз.
Эслатиб ўтамиз, мадридликлар ҳакамга асосан икки ҳолат – ҳисобланмаган Рамоснинг голи ва жарима майдони ичида Абидалнинг қўлига текканида белгиланмаган пенальти борасида норозилик билдирганлар.
