Мадриднинг "Реал" клуби ҳимоячиси Серхио Рамос Испания Кубоги чорак финал жавоб ўйинида унга кўрсатилган қизил карточкадан норози эканлигини маълум қилди.

"Мени хурсанд қилаётган томони, клуб ноҳақ четлатилишга аппеляция бериш ниятида. Боиси чим устида думалашда давом этаётган футболчига нисбатан ҳеч қандай қўполлик бўлмаганди", дея футболчи ўз Твиттерида маълум қилган.

Эслатиб ўтамиз, "Барселона"га қарши ўйинда Рамос ҳаво жангида Серҳио Бускетсга нисбатан ишлатган қўполлиги учун иккинчи сариқ карточкага раво кўрилиб, майдондан четлатилганди.