"Челси" ҳимоячиси Антонио Рюдигер клуб билан янги шартнома борасида музокараларни қачон бошлашни режалаштираётганини айтиб ўтди.
"Тухел менинг қолишимни исташини айтдими? Мен бу ерда бахтлиман, жуда бахтлиман. Қарорлар ҳар доим мураббийлар штабига боғлиқ, аммо узоқ вақт давомида бунга умид боғлаб бўлмайди. Европа чемпионатидан кейин клуб билан шартнома масаласини муҳокама қиламиз", - дейди Рюдигер.
2020/21-йилги мавсумда Рюдигер "Челси" таркибида 33 та ўйин ўтказиб, 1 та гол ва 1 та голли узатмани амалга оширди. 28 ёшли немиснинг "кўклар" билан амалдаги шартномаси 2022-йил июн охиригача амал қилади.