"Челси" дарвозабони Эдвард Менди Чемпионлар Лигасининг якунланган мавсумининг тўққизта ўйинида ўз дарвозаси дахлсизлигини сақлаб қолди. Бу дарвозабонлар учун турнирдаги дебют мавсумидаги рекорд кўрсаткич ҳисобланади. Аввалроқ Менди Чемпионлар Лигаси финалида ўйнаган биринчи африкалик дарвозабонга айланиб, ноёб натижани қўлга киритгани маълум бўлган эди.
2020/21-Чемпионлар Лигасининг сўнгги ўйинида "Челси" "Манчестер Сити"ни мағлуб этди. Учрашув Порту шаҳридаги (Португалия) "Драго" стадионида бўлиб ўтди ва 1: 0 ҳисоби билан якунланди. Ушбу учрашувдаги ғалаба голини 42-дақиқада Кай Ҳавертс киритди.
