Бельгия терма жамоаси бош мураббийи Роберто Мартинес яримҳимоячи Кевин Де Брюйне ҳолати ҳақида гапирди.
Эслатиб ўтамиз, Де Брюйнега бурун ва чап кўз қовоғи синиши ташхиси қўйилган эди. У «Челси» марказий ҳимоячиси Антонио Рюдигер билан тўқнашувда жароҳат олди.
«Кевинга операция керак бўлмайди ва бу жуда яхши янгилик. Агар у жарроҳлик амалиётига бориши керак бўлса, демак Европа чемпионатини ўтказиб юбориши мумкин эди.
Бироқ ҳали қачон тўлиқ тайёр бўлишини билмаймиз, аммо тикланиш жараёни яхши кетмоқда. Ўйлайманки, тахминан 7 кун ичида барчаси ойдинлашади», - дейди Мартинес.
