Тошкент вақти билан ярим тунда Габон ва Экаториал Гвинеяда ўтаётган XXVIII Африка миллатлар кубогининг «В» гуруҳида 3-тур учрашувларига якун ясалди.
Гуруҳда 100% лик натижага эришган ва чемпионликка бош даъвогар Кот-д’Ивуар терма жамоаси Ангола дарвозасига жавобсиз 2 та тўп йўллаш билан биргаликда, айни вақтда турнирда бирлашган терма жамоа сифатида ҳаракат қилаётган Судан терма жамоасини ҳам чорак финалга олиб чиқди.
Судан каби 4 очко жамғарган Ангола терма жамоаси эса уйга қайтадиган бўлди. Улар Судан билан ўзаро ўйинда 2:2 дурангга имзо чекишган, лекин Фил Суяги Қирғоғидан келган Дрогба жамоадошлари Суданга биттагина гол урган эдилар. Судан ҳам Ангола сингари, сўнгги ўйинда Буркина Фасо устидан 2:1 ҳисобида зафар қучди.
Африка миллатлар кубоги-2012. «В» гуруҳи. 3-тур
СУДАН – БУРКИНА ФАСО 2:1 (1:0)
Голлар: Мудасир ат-Тоҳир (33, 80) – Одраого (90+6)
КОТ-Д’ИВУАР – АНГОЛА 2:0 (1:0)
Голлар: Эммануэль Эбуэ (33), Уилфрид Бони (65)
Энди чорак финалда Кот-д’Ивуар мусобақа мезбонларидан — Экваториал Гвинеяга қарши майдонга тушса, яна бир учрашувда Судан — Замбия қаршилигига гувоҳ бўламиз.
