Бельгия терма жамоаси бош мураббийи Роберто Мартинес "Манчестер Сити" ярим ҳимоячиси Кевин де Брюйне Россия билан Евро-2020 гуруҳ босқичининг биринчи ўйинида майдонга туша олишига амин эмас.
"Унинг турнирдаги биринчи ўйинида майдонга тушишини айтиш учун ҳали эрта. Мен унинг Евро-2020га тайёр бўлишини кутмоқдаман, аммо бу қачон бўлиши ҳозирча аниқ эмас. Витсел ҳам иккита ўртоқлик учрашувида майдонга тушмайди, у ҳақида ҳеч нарса дея олмайман", - дейди Мартинес.
Де Брюйне Чемпионлар Лигаси финалида "Челси" ҳимоячиси Антонио Рюдигерга қарши тўқнашувдан кейин бурни ва чап кўз тешиги цинган эди.
Россия ва Бельгия терма жамоалари ўртасидаги учрашув 12-июн куни бўлиб ўтади.
