Футбол бўйича ЖЧ—2022 саралаши доирасида Япония ва Тожикистон терма жамоалари 7 июнь куни ўзаро баҳс юритди.
Учрашувнинг 6-дақиқасида Кёго Фуруҳаши японларни олдинга олиб чиқди. Орадан кўп ўтмай «Навбаҳор» вакили Эҳсони Паншанбе мувозанатни тиклади.
Биринчи бўлим якунида Такуми Минамино Япониянинг иккинчи голини урди. Танаффусдан кейин «мовий самурайлар» яна икки бор рақиб дарвозасини ишғол қилди.
Аввалроқ ушбу гуруҳ доирасидаги яна бир ўйинда Қирғизистон терма жамоаси кутилмаганда Мўғулистонга ютқазиб қўйганди.
F гуруҳдаги вазият билан танишинг:
ЖЧ—2022 саралаши
Япония — Тожикистон 4:1
Голлар: 1:0 – 6 Фуруҳаши, 1:1 – 9 Паншанбе, 2:1 – 40 Минамино, 3:1 – 51 Ҳашимото, 4:1 – 71 Кавабе.
