Данияда Евро-2020 баҳслари учун 25 минг мухлис стадионга ташриф буюришига рухсат берилади.

Копенгагенда ўтказиладиган Евро-2020 ўйинларини 25 минг томошабин стадиондан кузатиш имкониятига эга бўлади. Шунингдек, умумий жамоат жойларида ниқоб тақиш режими ишлайди. Аввалроқ, Дания ҳокимияти Копенгагенда бўлиб ўтадиган Европа чемпионати учрашувларига хориж ишқибозларини киритишни режалаштирмаётгани ҳақида маълумот берилганди.

Копенгагенда гуруҳ баҳслари доирасида: Дания - Финляндия (12 июнь), Дания - Бельгия (17 июнь) ва Россия - Дания (21 июнь), шунингдек 1/8 финалнинг бир ўйини (28 июнь) ўтказилади.