Кириш Регистрация
21/06 02:00 Венесуэла 2-2 Эквадор
21/06 05:00 Колумбия 1-2 Перу
21/06 21:00 Македония 0-3 Нидерландия
21/06 21:00 Украина 0-1 Австрия
21/06 23:59 Россия 1-4 Дания
21/06 23:59 Финляндия 0-2 Бельгия
22/06 20:00 АГМК - Қизилқум
22/06 23:59 Хорватия - Шотландия
22/06 23:59 Чехия - Англия
23/06 20:00 Пахтакор - Андижон
23/06 20:00 Металлург - Насаф
23/06 21:00 Словакия - Испания
23/06 21:00 Швеция - Польша
23/06 23:59 Португалия - Франция
23/06 23:59 Германия - Венгрия

10 июнь қаҳрамонлари

Баҳо:
+ | -

Деярли бир аср олдин, аниқроғи 1927 йилнинг 10 июнида дунё футболининг тамаддунини қўйган иқтидорли юлдузларидан бири – Ладислао Кубала туғилган эди. 2002 йили Барселона шаҳрида вафот топган Кубала фаолияти давомида катта натижалар қайд этиб, ўзига хос тарих ёзган шахслардан. Кубала Будапештда туғилган, табиийки Венгрия терма жамоасида ўйнаган, шунингдек у пайтлар бошқа юрт либосида ҳам ўйнаш имконияти бўлганидан Испания ва Чехославакия футболчиси ҳам ҳисобланади. Клублари – "Ференцварош"," Братислава", "Вашаш" ва "Барселона". Неки совринлари ва даражаси бўлса, охирги клубида топганини каталония клуби мухлислари яхши билишади. Чунки "Барселона"нинг рамзий терма жамоаси тузилганида ҳам Кубала номи доимо янграб келади. Суперузатмалар эгаси, ажойиб дриблинг устаси, голни ҳис этиш қобилияти ва асосий қуроли – жарима зарбаларидан унумли фойдаланиши ҳисобига узоқ йиллар "Барса"нинг етакчиси бўлиб келди. 1999 йили жамоанинг юз йиллиги нишонлангани муносабати билан ўтказилган сўровда "Барселона"нинг барча даврлардаги энг яхши футболчиси номини қўлга киритган ҳам Ладислао Кубала бўлади.

Нафақат футболчилигида, балки мураббийлигида ҳам Кубала ўз фаолиятини кўк-анорранглиларга боғлаган. Икки марта "Барса"ни, бир марта Испания терма жамоасини бошқарган. Хуллас, клубдан-да юқори турадиган жамоа қадриятлари пойдевори айнан шу инсонлар устига қурилганини англаб етдингиз.

###

Кубаланинг буюклиги мураббийлиги билан эмас, асосан футболчилиги билан. Лекин ушбу санада таваллуд топган яна бир иқтидорли шахс Карло Анчелотти футболчилигидан кўра мураббийлик соҳасида донг таратган. Ваҳоланки, 1959 йили туғилган италиялик даҳо майдонда ҳам ёмон эмасди. Ярим ҳимоячи бўлиб ўйнаган. "Парма"да порлаб сўнг "Рома" сафига келиб қўшилган ва мамлакат чемпиони бўлган. "Милан"да бу натижага икки марта эришган. Италия терма жамоаси билан 1988 йилги Еврода ва икки йилдан сўнг Италияда ўтган мундиалда бронза медал эгасига айланган. Исталган футболчи учун бу натижалар зўр ҳисобланади. Аммо мураббий бўлгач, Анчелотти футболни ўзгартириб юборди. Чемпионлик чўт бўлмай қолди унга.

"Милан" билан икки марта ЕЧЛ кубогини боши узра кўтарди, 2004 йили Апеннин ярим оролини-да забт этди. "Челси"ни АПЛда ғолиб қилди 2009 йили, ПСЖга бориб парижликларнинг қўрқинчли ҳукмронлигини бошлаб берди – 2013 йил, "Реал"ни Испания чемпиони қила олмагандир, аммо ўн икки йилдан бери орзиқиб кутилган десимони қўлга киритиб бергани музаффарият ҳисобланади. "Реал" ўша ЕЧЛни енггач, ўзига бўлган ишончни пайдо қилди ва давомидан уч марта шоҳсупага кўтарилди. Барисида Карло ота хизмати ётади, деб тан олган барча футболчилар.
"Бавария"га бирровга бориб ўша мамлакатнинг ҳам чемпиони бўлиб қайтди.

"Наполи"даги ўхшамаган мавсумдан сўнг" Эвертон"да фаолият олиб борди у. Қуёши ботгандек кўринган италиялик мутахассис ҳали яна недир сўзлари борлигини айтса керак деб турибмиз. Чунки у... яна "Реал" да. Яна. Бошқача мураббий барибир Анчелотти.

Хайрулла Ҳамидов

Манба: t.me/xayrulla_hamidov
Киритилди: 14:54, 10.06.2021.
Ўқилди: 3682 марта.
Фикрлар: 0 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.