Мадриднинг “Реал” клуби қишки трансфер ойнаси вақтида такибдаги бир қанча футболчилар билан хайрлашишни режалаштирмоқда. Клуб спорт директорлари бош мураббий Хаби Алонсо билан бирга жамоани тарк этиши мумкин бўлган футболчилар рўйхатини тузиб чиқди. Бу ҳақда Fichajes нашри хабар берди.

Мазкур рўйхатдан Ферлан Менди, Дани Себальос, Эндрик, Браим Диас ва Рауль Асенсио каби футболчилар жой олган. Клубнинг асосий мақсади — кам ўйин амалиётига эга бўлаётган футболчиларни бошқа жамоага ўтиш имкониятини яратиш, янги трансферлар ҳамда ўзини кўрсатмоқчи бўлган ёшлар учун жой бўшатиш.

Ферланд Менди билан боғлиқ вазият яна клуб ичида муҳокама қилинмоқда. Франциялик ҳимоячи айрим пайтларда ишончли ўйин кўрсатаётган бўлса-да, унинг жароҳатларга мойиллиги туфайли клуб футболчи билан хайрлашиш вариантини кўриб чиқмоқда. Дани Себальосда ҳам шунга ўхшаш ҳолат кузатилмоқда.

Эндрик бўйича клубнинг режаси аниқ: у мавсум охиригача “Лион”га ижарага берилиши кутилмоқда. Бу орқали бразилиялик ҳужумчига Европа футболига мослашиш, мунтазам ўйин амалиёти ва зарур тажриба тўплаш имконияти яратилади. Унинг иқтидорига шубҳа йўқ, бироқ “Реал”нинг ҳужум чизиғидаги кучли рақобат сабаб клуб вақтинча ижарани энг тўғри йўл деб билмоқда.

Менди, Себальос ва Эндрикдан ташқари, Браим Диас ҳамда Рауль Асенсио ҳам “Реал”ни тарк этиши мумкин. Сабаби уларга ҳам етарли ўйин амалиёти берилмаяпти, шу боис мазкур футболчилар ҳам жамоадан кетиш энг тўғри вариант деб билмоқда. Мадрид клуби эса уларга янги жамоа топишда ёрдам беришга тайёр. Сабаби клуб раҳбарияти Хаби Алонсо режаларига кирмаётган футболчиларга маош тўлаш, ортиқча харажат деб ҳисобламоқда.