Россия терма жамоасининг тўпурари Артем Дзюба офсайд ҳолатлари сони бўйича Еврода «ажойиб» сермаҳсуллик қайд этмоқда. Ҳужумчи икки учрашувда жами беш марта нотўғри позиция танлаган.
Унинг бу борадаги асосий рақиби Бурак Йилмаз турнирни тўртта офсайд ҳолати билан якунлади. Шунингдек, швейцариялик ҳужумчи Гавранович Йилмаз билан бир хил миқдордаги офсайд ҳолатига эга. Бу футболчилар учтадан учрашув ўтказишган.
Қизиғи шундаки, Дзюбадан ташқари Россияда фақат бир марта ўйиндан ташқари ҳолат қайд этилганди. У ҳимоячи Караваев ҳисобига ёзилган.
