Бугун Осиё қитъасида бўлиб ўтган саралаш учрашувларининг энг сўнггиси «А» гуруҳида бўлиб ўтаётган эди. Саудия Арабистони олимпиячилари жанубий кореялик тенгдошларини қабул қилишди.

Учрашувнинг биринчи бўлимида ҳисоб очилмади. 60-дақиқада ал-Хузарий томонидан киритилган тўп Саудияга дастлабки ғалабани тақдим этиши мумкин эди. Бироқ корейслар ўйинга қўшиб берилган дақиқаларнинг биринчиси тугаётганда жавоб тўпи киритиб, ўйинни қутқариб қолишди. Нажот голи муаллифи Ким Хюнг-Сунг бўлди.

Лондон-2012 саралаш турнири. «А» гуруҳи. 4-тур
САУДИЯ АРАБИСТОНИ (U23) – ЖАНУБИЙ КОРЕЯ (U23) 1:1 (0:0)
Голлар: ал-Хузарий (60) – Ким Хюнг-Сунг (90+1)

Ушбу ўйиндан сўнг жанубий кореяликлар 4 ўйинда 8 очко тўплаб, пешқадамликни сақлаб қолишди. Иккинчи ўринда 6 очкога эга бўлган уммонлик олимпиячилар. Қатар ва Саудия Арабистони олимпиячилари 2 очкодан жамғаришган, холос.