Швеция ҳужумчиси Деян Кулусевски Евро-2020 1/8 финалида Украинага учралган мағлубиятдан (1:2) сўнг, ўз фикрларини билдирди.

«Биз чемпионатни бундай кўринишда якунламоқчи эмасдик. Бир кун аввал Франциянинг ўйинини кўрганимда футбол ўйнаш қийин эканлигини ҳис қилгандим. Бугун бунга ишонч ҳосил қилиш учун навбат бизда эди. Футбол бизга кўп нарсаларни тақдим этади, аммо ундан ортиқча нарса талаб қилиб бўлмайди.

Асосий вақтда ғалаба қозониш учун етарлича имкониятларни яратдик. Пенальтилар сериясига етиб борамиз деб ўйлагандим. Рақибимиз эса 120-дақиқада гол урди. Бу юракка санчилган пичоқ каби таъсир қилди», — дейди футболчи.